15 Mae fy mhlentyn yn cael ei wahardd o’r ysgol. Beth yw ein hawliau?
Os yw’ch plentyn yn cael ei wahardd o’r ysgol gall hynny fod am nifer benodol o ddyddiau neu gall fod yn barhaol.
Rhaid i’r ysgol ddweud mewn ysgrifen beth yw eu rhesymau dros wahardd y plentyn. Os nad yw’r ysgol wedi gwneud hynny, cysylltwch â hwy ar unwaith a gofyn am y rhesymau. Mae’n bwysig cadw copi o’r holl ohebiaeth gyda’r ysgol.
Os ydych yn anghytuno gyda’r rhesymau dros wahardd yna mae gennych hawl i apelio yn ei erbyn. I wneud hyn dylech ysgrifennu at Lywodraethwyr yr ysgol cyn gynted ag sydd modd yn dweud pam eich bod eisiau apelio yn erbyn y gwaharddiad. Efallai na fydd gennych hawl i apelio yn erbyn rhai gwaharddiadau tymor byr.
Fe fedrwch fod am apelio yn erbyn y gwaharddiad os ydych chi’n credu:
- Nad yw’r plentyn wedi gwneud yr hyn y mae’n cael ei gyhuddo ohono;
- Nid oes unrhyw dystiolaeth go iawn fod eich plentyn wedi cyflawni’r drosedd;
- Nid yw’r drosedd y cyhuddwyd eich plentyn ohoni yn ddigon difrifol i gyfiawnhau’r gwaharddiad;
- Cafodd ei plentyn eich brofocio; neu
- Cafodd eich plentyn ei ddewis yn annheg ar gyfer ei gosbi.
Gall fod mwy nag un o’r rhesymau hyn yn weithredol ar gyfer achos eich plentyn.
Os nad yw’ch apêl i lywodraethwyr yr ysgol yn llwyddiannus, gallwch fod â hawl pellach o apelio.
Os ydych angen help i ddelio gyda gwaharddiad eich plentyn neu unrhyw agwedd arall o addysg, rydyn ni’n argymell eich bod yn siarad gydag un o’n cynghorwyr addysg i gael cyngor arbenigol.
Browse topics
- Benefits
- Communications and media
- Consumer affairs
- Education and training
- Employment
- Environment and countryside
- Family and personal
- Government, law and rights
- Health and social care
- Housing and homelessness
- Immigration and nationality
- Money and tax
- Police and crime
- Transport, travel and leisure
Do you help people get advice?
If you talk to people who may need legal advice, see how Community Legal Advice can help you.