12 Rwy’n dychwelyd i’r gwaith – sut mae gadael y system budd-daliadau?
Os ydych chi'n dychwelyd i'r gwaith fyddwch chi ddim o reidrwydd yn colli hawl i'ch holl fudd-daliadau.
Medrir hawlio Lwfans Byw Anabledd, Lwfans Gweini, Budd-dal Anafiadau Diwydiannol a Lwfans Enillion Gostyngedig i gyd yn llawn tra'ch bod yn gweithio.
Medrwch hefyd hawlio rhan neu'r cyfan o Fudd-dal Anallu, Cymhorthdal Incwm, Budd-dal Tai, Budd-dal Treth Cyngor, Lwfans Ceiswyr Swydd, Lwfans Gofalydd a help gyda chostau presgripsiwn y Gwasanaeth Iechyd. Defnyddir prawf modd sy'n edrych ar eich incwm a'r nifer o oriau y byddwch yn gweithio er mwyn canfod os ydych yn gymwys.
Mae hefyd sawl cynllun ar gael i roi help ariannol i chi tra'n symud oddi ar fudd-daliadau tymor hir ac yn ôl i'r gwaith. Mae'r rhain yn cynnwys rhaglenni a lwfansau hyfforddiant, y Fargen Newydd a llawer mwy. Medrwch gael mwy o wybodaeth am hyn drwy eich Canolfan Gwaith leol.
Dylech ddweud wrth yr asiantaeth sy’n talu eich budd-dal eich bod yn dychwelyd i weithio, hyd yn oed os na chredwch y bydd yn effeithio ar eich budd-dal. Os na wnewch hyn medrech gael eich gordalu, neu hyd yn oed eich ymchwiio am dwyll. Dylech hefyd yn ddweud yn union ar ba ddyddiad y bwriadwch ddechrau gweithio, y nifer o oriau y byddwch yn eu gweithio a’ch cyflog. Bydd yr asiantaeth yn ysgrifennu atoch os nad oes gennych hawl i fudd-dal mwyach. Yna anfonir unrhyw arian dyledus i chi neu dywedir wrthych os bydd angen i chi ad-dalu unrhwy fudd-dal, gyda llythyr yn nodi fod eich hawliad wedi cau yn awr.
Os hoffech chi gael help gyda gadael y system budd-daliadau neu unrhyw agwedd arall o Fudd-daliadau Lles, rydyn ni'n argymell eich bod yn siarad gydag un o'n cynghorwyr Budd-daliadau Lles i dderbyn cyngor arbenigol.
Browse topics
- Benefits
- Communications and media
- Consumer affairs
- Education and training
- Employment
- Environment and countryside
- Family and personal
- Government, law and rights
- Health and social care
- Housing and homelessness
- Immigration and nationality
- Money and tax
- Police and crime
- Transport, travel and leisure
Do you help people get advice?
If you talk to people who may need legal advice, see how Community Legal Advice can help you.